ON THE ACCESSION OF THE REPUBLIC OF ALBANIA TO THE “AGREEMENT ON THE PRIVILEGES AND IMMUNITIES OF THE INTERNATIONAL ATOMIC ENERGY AGENCY”

Lloji: Ligj

Fletore Zyrtare: nr. 6, datë 2003-02-20

LIGJ

Nr. 8995, datë 30.1.2003

PËR ADERIMIN E REPUBLIKËS SË SHQIPËRISË NË “MARRËVESHJEN PËR PRIVILEGJET DHE IMUNITETET E AGJENCISË NDËRKOMBËTARE TË ENERGJISË ATOMIKE”

Në mbështetje të neneve 78, 81 pika 1, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Republika e Shqipërisë aderon në “Marrëveshjen për privilegjet dhe imunitetet e Agjencisë Ndërkombëtare të Energjisë Atomike”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr. 3686, datë 10.2.2003 të Presidentit të Republikës së Shqipërisë, Alfred Moisiu.

MARRËVESHJE

PËR PRIVILEGJET DHE IMUNITETET E AGJENCISË NDËRKOMBËTARE TË ENERGJISË ATOMIKE

Duke pasur parasysh nenin XV.C të statutit të Agjencisë Ndërkombëtare të Energjisë Atomike që siguron se pozita ligjore, privilegjet dhe imunitetet që referohen në këtë nen do të përcaktohen në një marrëveshje të veçantë ose marrëveshje ndërmjet Agjencisë, të përfaqësuar për këtë qëllim nga Drejtori i Përgjithshëm, që vepron sipas udhëzimeve të Bordit të Governorëve dhe shteteve anëtare;