ON CERTAIN ADDITIONS TO LAW NO. 8950, DATED 10.10.2002

Lloji: Ligj

Fletore Zyrtare: nr. 23, datë 2003-04-03

LIGJ

Nr.9029, datë 13.3.2003

PËR DISA SHTESA NË LIGJIN NR.8950, DATË 10.10.2002,

“PËR GJENDJEN CIVILE”

Në mbështetje të neneve 78 dhe 83 pika 1 të Kushtetutës, me propozimin e një grupi deputetësh,

KUVENDI

I REPUBLIKËS SË SHQIPËRISË

VENDOSI:

Në ligjin nr.8950, datë 10.10.2002 “Për gjendjen civile” bëhen këto shtesa:

Neni 1

Në nenin 8, pas fjalëve “raportet e atësisë dhe mëmësisë” shtohet fjala “kombësia”.

Neni 2

Në nenin 10, në fjalinë e parë, pas fjalës "mëmësisë" shtohet fjala "kombësia".

Neni 3

Në nenin 35, në pikën 3, pas shkronjës "f" shtohet shkronja “f/1” si më poshtë:

“f/1) kombësia në përputhje me kombësinë e prindërve, sipas Regjistrit Themeltar ekzistues para miratimit të këtij ligji dhe sipas kërkesave të tij.”.

Neni 4

Pas nenit 37 shtohet neni 37/1 si më poshtë:

"Neni 37/1

Kombësia

1. Foshnja merr kombësinë e prindërve me kombësi të njëjtë të dokumentuar në Regjistrin Themeltar të Gjendjes Civile. Kjo kombësi nuk mund të ndryshohet, përveç rasteve, kur sipas ligjit vërtetohet pasaktësia e kombësisë së prindërve ose kur ka një vendim gjyqësor të formës së prerë për ndryshimin e atësisë ose mëmësisë. Ndryshimi i kombësisë, në çdo rast, bëhet me vendim gjyqësor.