ON THE ACCESSION OF THE REPUBLIC OF ALBANIA TO THE “INTERNATIONAL CONVENTION ON LOAD LINES” 1966

Lloji: Ligj

Fletore Zyrtare: nr. 28, datë 2003-04-28

LIGJ

Nr.9032, datë 20.3.2003

PËR ADERIMIN E REPUBLIKËS SË SHQIPËRISË NË “KONVENTËN NDËRKOMBËTARE PËR VIJAT E NGARKESËS” 1966

Në mbështetje të neneve 78, 81 pika 1, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Republika e Shqipërisë aderon në “Konventën ndërkombëtare për vijat e ngarkesës” 1966.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekret nr.3777, datë 16.4.2003 të Presidentit të Republikës së Shqipërisë,

Alfred Moisiu

KONVENTA

NDËRKOMBËTARE E VIJAVE TË NGARKESËS, 1966

Qeveritë Kontraktuese,

duke dashur të vendosin parime dhe rregulla uniforme lidhur me ligjet dhe kufijtë, në të cilat anijet në udhëtime ndërkombëtare mund të ngarkohen duke pasur parasysh nevojën për ruajtjen e jetës dhe pasurisë në det;

duke besuar se mënyra më e mirë për arritjen e këtij qëllimi është konkludimi i një Konvente,

kanë rënë dakord si më poshtë:

Neni 1

Detyrime të përgjithshme të Konventës

1. Qeveritë Kontraktuese marrin përsipër të vënë në veprim kërkesat e kësaj Konvente dhe anekseve bashkëngjitur, të cilat përbëjnë pjesë të pandara të saj. Çdo referim i kësaj Konvente përbën në të njëjtën kohë edhe një referim ndaj anekseve të saj.

2. Qeveritë Kontraktuese do të marrin të gjitha masat që mund të jenë të nevojshme për vënien në zbatim të kësaj Konvente.

Neni 2

Përkufizime