On Certain Additions and Amendments to Law No. 107/2016, “On the Prefect of the County”

Lloji: Ligj

Fletore Zyrtare: nr. 81, datë 2024-05-10

LIGJ

Nr. 36/2024

PËR DISA SHTESA DHE NDRYSHIME NË LIGJIN NR. 107/2016,

“PËR PREFEKTIN E QARKUT”

Në mbështetje të neneve 78 e 83, pika 1, dhe 114 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 107/2016, “Për prefektin e qarkut”, bëhen këto shtesa dhe ndryshime:

Neni 1

Pika 1 e nenit 4 ndryshohet si më poshtë:

“1. “Akte me karakter normativ” janë vendimet, urdhrat dhe urdhëresat e organeve të vetëqeverisjes

vendore, përmes së cilave shprehet vullneti i këtyre organeve në ushtrimin e funksionit të tyre publik, që

u drejtohen subjekteve të papërcaktuara të së drejtës, me qëllim përcaktimin e normave të përgjithshme

të sjelljes dhe që i shtrijnë efektet në mënyrë të vazhdueshme dhe jo të njëhershme brenda territorit të

juridiksionit të organit të vetëqeverisjes vendore.”.

Neni 2

Në nenin 6 pas shkronjës “ç” shtohet shkronja “d” me këtë përmbajtje:

“d) të mos jetë marrë masa disiplinore e largimit nga puna ose të mos ketë masë disiplinore në fuqi,

si dhe të mos i jetë hequr licenca, autorizimi ose leja për ushtrimin e një profesioni.”.

Neni 3

Në nenin 8 bëhen ndryshimi dhe shtesat e mëposhtme:

1. Në shkronjën “a” fjalët “vendimeve, urdhrave dhe urdhëresave” zëvendësohen me fjalën

“akteve”.

2. Pas shkronjës “j” shtohen shkronjat “l” dhe “ll” me këtë përmbajtje: