On the approval of the criteria and main terms for the settlement of Albania’s outstanding inherited external debt

Lloji: Ligj

Fletore Zyrtare: nr. 53, datë 2003-07-03

LIGJ

Nr.9075, datë 29.5.2003

PËR MIRATIMIN E KRITEREVE DHE TË TERMAVE KRYESORË TË ZGJIDHJES SË BORXHIT TË JASHTËM TË TRASHËGUAR, TË PAPAGUAR TË SHQIPËRISË

Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Miratohen kriteret dhe termat kryesorë të zgjidhjes së borxhit të jashtëm të trashëguar, të papaguar të Shqipërisë si më poshtë:

I. Borxhi i jashtëm i trashëguar, i papaguar i Republikës së Shqipërisë konsiderohet borxhi që rrjedh:

a) nga zbatimi i marrëveshjeve në kuadrin e shkëmbimeve tregtare ndërmjet Shqipërisë dhe vendeve të tjera (borxhi në klering);

b) nga transaksionet e import-eksportit të papaguara dhe të pakonfirmuara, të kryera nga ish-ndërmarrjet e tregtisë së jashtme me firmat dhe kompanitë e huaja;

c) nga marrëveshjet e lidhura ndërmjet bankave shqiptare, si përfaqësuese të Shtetit Shqiptar dhe bankave të huaja,

ç) nga transaksionet e import-eksportit të garantuara nga organizma ndërkombëtarë ose nga institucionet përkatëse të Qeverisë Shqiptare.

Ky borxh përfshin vetëm detyrimet e konstatuara ose të kërkuara, që i referohen veprimeve që janë kryer deri më 31.12.1992.

II. Termat e Referencës (ToR) për zgjidhjen e borxhit të jashtëm për përfundimin e marrëveshjeve me çdo kreditor janë: