On certain additions and amendments to Law No. 8502, dated 30.6.1999 “On the establishment of the Official Publications Centre”

Lloji: Ligj

Fletore Zyrtare: nr. 61, datë 2003-07-25

LIGJ

Nr.9091, datë 26.6.2003

PËR DISA SHTESA DHE NDRYSHIME NË LIGJIN NR.8502, DATË 30.6.1999 "PËR KRIJIMIN E QENDRËS SË PUBLIKIMEVE ZYRTARE"

Në mbështetje të neneve 78 pika 1, 83 pika 1 dhe 117 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr.8502, datë 30.6.1999 "Për krijimin e Qendrës së Publikimeve Zyrtare", bëhen këto shtesa e ndryshime:

Neni 1

Në nenin 1 bëhen këto ndryshime:

Fjalia e fundit në paragrafin e parë ndryshohet si më poshtë:

"Qendra e Publikimeve Zyrtare është institucion qendror, në varësi të Ministrit të Drejtësisë.".

Paragrafi i tretë ndryshohet si më poshtë:

"Qendra, me anë të botimeve, publikimeve dhe veprimtarive të tjera synon njohjen nga organet shtetërore dhe institucionet e tjera të administratës publike, nga personat fizikë dhe juridikë, të ligjeve dhe marrëveshjeve ndërkombëtare, të ratifikuara ose në të cilat aderohet, akteve normative të Këshillit të Ministrave, të ministrave dhe të organeve drejtuese të institucioneve të tjera qendrore, të akteve të tjera të rëndësishme të nxjerra nga organet dhe institucionet shtetërore, si dhe të teksteve e të literaturës juridike, në shërbim të mbrojtjes së të drejtave dhe interesave të tyre, të forcimit të rendit juridik dhe kushtetues.".

Neni 2

Neni 2 ndryshohet si më poshtë:

"Neni 2

Qendra boton: