On Certain Additions and Amendments to Law No. 113/2020, “On Citizenship”

Lloji: Ligj

Fletore Zyrtare: nr. 95, datë 2024-06-06

LIGJ

Nr. 77/2023

PËR DISA SHTESA DHE NDRYSHIME NË LIGJIN NR. 113/2020, “PËR

SHTETËSINË”

Në mbështetje të neneve 81, pika 2, shkronja “b”, dhe 83, pika 1, të Kushtetutës, me propozimin e

Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 113/2020, “Për shtetësinë” bëhen këto shtesa dhe ndryshime:

Neni 1

Në nenin 7 pas pikës 2 shtohet pika 3 me këtë përmbajtje:

“3. Një fëmijë i lindur brenda territorit të Republikës së Shqipërisë nga prindër me shtetësi tjetër, të

cilët qëndrojnë në mënyrë të ligjshme në territorin e Republikës së Shqipërisë, mund të marrë shtetësi

shqiptare me pëlqimin e të dy prindërve.”.

Neni 2

Në nenin 8, “Fitimi i shtetësisë me natyralizim”, bëhen ndryshimet si më poshtë:

Pika 1, shkronja “e” ndryshon si më poshtë:

“e) zotëron njohuri të gjuhës shqipe, të folur dhe të shkruar, si dhe njohuritë bazë të historisë së

Republikës së Shqipërisë, të vërtetuar nga institucioni përkatës arsimor. Përjashtim nga ky rregull bëhet

vetëm për shtetasit e huaj në shtetet e të cilave gjuha shqipe është gjuhë zyrtare.”.

Pika 3 ndryshon si më poshtë:

“3. I huaji, që është i martuar me shtetas shqiptar për një periudhë jo më pak se 3 (tre) vjet, mund të

paraqesë kërkesë për të fituar shtetësinë me natyralizim edhe nëse nuk plotëson kushtet e përcaktuara në

shkronjat “c” dhe “e” të pikës 1 të këtij neni, nëse ka banuar në mënyrë të ligjshme dhe të vazhdueshme