ON THE RATIFICATION OF THE “DEVELOPMENT CREDIT AGREEMENT BETWEEN THE REPUBLIC OF ALBANIA AND THE INTERNATIONAL DEVELOPMENT ASSOCIATION (IDA) FOR THE COMMUNITY WORKS PROJECT–II”

Lloji: Ligj

Fletore Zyrtare: nr. 100, datë 2003-12-10

LIGJ

Nr.9151, datë 6.11.2003

PËR RATIFIKIMIN E “MARRËVESHJES SË KREDISË TË ZHVILLIMIT, NDËRMJET REPUBLIKËS SË SHQIPËRISË DHE SHOQATËS NDËRKOMBËTARE PËR ZHVILLIM (IDA), PËR PROJEKTIN E PUNËVE TË KOMUNITETIT–II”

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Marrëveshja e kredisë së zhvillimit, ndërmjet Republikës së Shqipërisë dhe Shoqatës Ndërkombëtare për Zhvillim (IDA), për projektin e punëve të komunitetit – II”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekret nr.4015, datë 2.12.2003 të Presidentit të Republikës së Shqipërisë,

Alfred Moisiu

MARRËVESHJA

E KREDISË PËR ZHVILLIM NDËRMJET SHQIPËRISË DHE SHOQATËS NDËRKOMBËTARE PËR ZHVILLIM

(PROJEKTI I II I PUNËVE TË KOMUNITETIT)

Marrëveshje, datë 24 korrik 2003, ndërmjet Shqipërisë (Huamarrësi) dhe Shoqatës Ndërkombëtare për Zhvillim (Shoqata).

Meqë: (A) Huamarrësi, duke qenë i bindur për mundësinë e realizimit dhe përparësinë e projektit të përshkruar në shtojcën 2 të kësaj Marrëveshjeje (Projekti), ka kërkuar nga Shoqata që ta ndihmojë në financimin e projektit.