On certain amendments and additions to normative act having the force of law No. 4, dated 9.7.2008, of the Council of Ministers, “On Privatisation and Granting State Enterprises and State Institutions the Use of Specific Enterprises or Objects, Main Assets and Circulating Assets of These Enterprises”, adopted by Law No. 9967, dated 24.7.2008, as amended

Lloji: Ligj

Fletore Zyrtare: nr. 102, datë 2024-06-20

LIGJ

Nr. 50/2024

PËR DISA NDRYSHIME DHE SHTESA NË AKTIN NORMATIV, ME FUQINË E

LIGJIT, NR. 4, DATË 9.7.2008, TË KËSHILLIT TË MINISTRAVE, “PËR PRIVATIZIMIN

DHE DHËNIEN NË PËRDORIM SHOQËRIVE TREGTARE DHE

INSTITUCIONEVE SHTETËRORE TË NDËRMARRJEVE APO OBJEKTEVE TË

VEÇANTA, MJETEVE KRYESORE DHE MJETEVE TË XHIROS SË KËTYRE

NDËRMARRJEVE”, MIRATUAR ME LIGJIN NR. 9967, DATË 24.7.2008, I NDRYSHUAR

Në mbështetje të neneve 78, 81, pika 1 dhe 83, pika 1, të Kushtetutës, me nismën e një deputeti,

KUVENDI

I REPUBLIKËS SË SHQIPËRISË

VENDOSI:

Në aktin normativ, me fuqinë e ligjit, nr. 4, datë 9.7.2008, të Këshillit të Ministrave “Për privatizimin

dhe dhënien në përdorim shoqërive tregtare dhe institucioneve shtetërore të ndërmarrjeve apo objekteve

të veçanta, mjeteve kryesore dhe mjeteve të xhiros së këtyre ndërmarrjeve”, miratuar me ligjin nr. 9967,

datë 24.7.2008, i ndryshuar, bëhen këto ndryshime dhe shtesa:

Neni 1

Paragrafi i dytë i nenit 2 ndryshohet si më poshtë:

“Kalimi i pronës shtetërore në pronë private bëhet nëpërmjet formave të ndryshme të privatizimit, si:

shitjes me ankand, ose tjetërsimit, sipas veprimeve juridike të kalimit të pronësisë së pasurive të

paluajtshme, të përcaktuara në Kodin Civil të Republikës së Shqipërisë, përveç formës së kalimit të

pronësisë nëpërmjet kontratës së dhurimit, në përputhje me legjislacionin në fuqi. Prona shtetërore mund