ON THE RATIFICATION OF “THE COOPERATION AGREEMENT IN THE FIELD OF DEFENCE BETWEEN THE GOVERNMENT OF THE REPUBLIC OF ALBANIA AND THE GOVERNMENT OF THE HELLENIC REPUBLIC”

Lloji: Ligj

Fletore Zyrtare: nr. 16, datë 2004-03-26

LIGJ

Nr.9193, datë 19.2.2004

PËR RATIFIKIMIN E “MARRËVESHJES SË BASHKËPUNIMIT NË FUSHËN E MBROJTJES NDËRMJET QEVERISË SË REPUBLIKËS TË SHQIPËRISË DHE QEVERISË SË REPUBLIKËS TË GREQISË”

Në mbështetje të neneve 78, 83 pika 1 dhe 121 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Marrëveshja e bashkëpunimit në fushën e mbrojtjes ndërmjet Qeverisë së Republikës të Shqipërisë dhe Qeverisë së Republikës të Greqisë”, nënshkruar në Kostur më 10 nëntor 2003.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.4172, datë 15.3.2004 të Presidentit të Republikës së Shqipërisë, Alfred Moisiu

MARRËVESHJE

MBI BASHKËPUNIMIN NË FUSHËN E MBROJTJES NDËRMJET QEVERISË SË REPUBLIKËS TË SHQIPËRISË DHE QEVERISË SË REPUBLIKËS TË GREQISË

Qeveria e Republikës së Shqipërisë dhe Qeveria e Republikës së Greqisë tani e në vazhdim të quajtura “Palë”:

në kuadrin e bashkëpunimit ekzistues të përgjithshëm ndërmjet Palëve dhe në paralelizëm me zhvillimet e rëndësishme të projekteve në Shqipëri të ndërmarra nga Pala greke, Palët me anë të kësaj Marrëveshjeje, janë të gatshme të zgjerojnë bashkëpunimin e sipërpërmendur;