ON MEDALS FOR PERSONNEL OF THE ARMED FORCES OF THE REPUBLIC OF ALBANIA

Lloji: Ligj

Fletore Zyrtare: nr. 28, datë 2004-05-13

LIGJ

Nr.9215, datë 1.4.2004

PËR MEDALJET PËR PERSONELIN E FORCAVE TË ARMATOSURA TË REPUBLIKËS SË SHQIPËRISË

Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Medaljet e nderit u jepen ushtarakëve shqiptarë, punonjësve civilë, pjesëtarë të Forcave të Armatosura, dhe ushtarakëve të huaj, që shquhen për merita të veçanta në Forcat e Armatosura të Republikës së Shqipërisë dhe në mbrojtje të interesave të vendit.

Neni 2

Përveç dekoratave e titujve të nderit, që Presidenti i Republikës jep sipas ligjit, për personelin e Forcave të Armatosura jepen dhe medalje nderi nga Ministri i Mbrojtjes, Shefi i Shtabit të Përgjithshëm dhe komandanti i forcës.

Neni 3

Ushtarakëve dhe punonjësve civilë të Forcave të Armatosura të Republikës së Shqipërisë u jepen këto medalje:

1. Medalja "Për shërbime të shquara".

2. Medalja "Për pjesëmarrje në shërbime ndërkombëtare".

3. Medalja "Për shërbime të larta" për punonjësit civilë.

4. Medalja "Shpëtoj jetë".

5. Medalja "Për shërbime të veçanta".

6. Medalja "E karrierës".

7. Medalja "Komandanti".

8. Medalja "Për shërbim në Ministrinë e Mbrojtjes dhe në Shtabin e Përgjithshëm".

9. Medalja "Nderi për shërbim ushtarak".

10. Medalja "Repart i shquar".

11. Medalja "Plagosur në luftë".

12. Medalja "E shërbimit".