On Certain Additions and Amendments to Law No. 10129, dated 11.5.2009, “On Civil Status”, as amended

Lloji: Ligj

Fletore Zyrtare: nr. 115, datë 2024-07-05

LIGJ

Nr. 56/2024

PËR DISA SHTESA DHE NDRYSHIME NË LIGJIN NR. 10129, DATË 11.5.2009,

“PËR GJENDJEN CIVILE”, I NDRYSHUAR

Në mbështetje të neneve 78 dhe 83, pika 1, të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr. 10129, datë 11.5.2009, “Për gjendjen civile”,

i ndryshuar, bëhen këto shtesa dhe

ndryshime:

Neni 1 ndryshohet si më poshtë:

Neni 1

“Neni 1

Objekti

Objekti i këtij ligji është kuptimi dhe përbërësit e gjendjes civile të shtetasve shqiptarë, shtetasve të

huaj me leje qëndrimi, shtetasve të huaj që kanë fituar statusin e refugjatit ose mbrojtje plotësuese, si dhe

të personave pa shtetësi, me vendbanim ose vendqëndrim në Republikën e Shqipërisë, përcaktimi i

rregullave për hedhjen, ruajtjen dhe ndryshimin e tyre, si dhe organizimi e funksionimi i shërbimit të

gjendjes civile në Republikën e Shqipërisë.”.

Neni 2

Në nenin 2 bëhen këto ndryshime dhe shtesa:

1. Pikat 1, 2 dhe 4 ndryshohen si më poshtë:

“1. “Gjendja civile” është tërësia e të dhënave personale të shtetasve shqiptarë, shtetasve të huaj me

leje qëndrimi, shtetasve të huaj që kanë fituar statusin e refugjatit ose mbrojtjes plotësuese, si dhe të

personave pa shtetësi, me vendbanim ose vendqëndrim në Republikën e Shqipërisë, të cilat regjistrohen

dhe mbahen në Regjistrin Kombëtar dhe që vërtetojnë lindjen, ekzistencën, individualitetin, lidhjet ose

marrëdhëniet ndërmjet tyre.