ON GENDER EQUALITY IN SOCIETY

Lloji: Ligj

Fletore Zyrtare: nr. 61, datë 2004-08-31

LIGJ

Nr.9198, datë 1.7.2004

PËR BARAZINË GJINORE NË SHOQËRI

Në mbështetje të neneve 78 dhe 83 pika 1 të Kushtetutës, me propozimin e një grupi

deputetësh,

KUVENDI

I REPUBLIKËS SË SHQIPËRISË

VENDOSI:

Neni 1

Qëllimi

1. Qëllimi i këtij ligji është:

a) të sigurojë realizimin e të drejtave të barabarta të grave dhe burrave, të garantuara në nenin

18 të Kushtetutës së Republikës të Shqipërisë;

b) të përcaktojë masa për promovimin e mundësive të barabarta midis burrave e grave për të

eliminuar diskriminimin direkt dhe indirekt, bazuar në gjininë, në jetën publike të vendit;

c) të përcaktojë përgjegjësitë e administratës qendrore dhe vendore për të hartuar politikën për

promovimin e një shoqërie gjinore të barabartë.

2. Ky ligj nuk e shtrin zbatimin e tij në besimet fetare dhe në jetën private të qytetarëve.

Neni 2

Përkufizime

Në kuptim të këtij ligji:

1. "Shoqëri gjinore e barabartë" është ajo shoqëri, ku burrat dhe gratë kanë mundësi të

barabarta për të marrë pjesë në veprimtaritë e të gjitha fushave si partnerë të barabartë, të ndajnë

bashkërisht përgjegjësitë dhe të gëzojnë të drejta politike, sociale, ekonomike dhe kulturore të

barabarta.

2. "Dhunim i të drejtave të barabarta për gratë dhe burrat" ose "diskriminim" janë veprimet

aktive ose pasive që shprehin nënvlerësim, përbuzje dhe kufizim të të drejtave ose të privilegjeve për