ON THE WORK OF THE ASSEMBLY IN THE PROCESS OF ALBANIA’S INTEGRATION INTO THE EUROPEAN UNION

Lloji: Ligj

Fletore Zyrtare: nr. 53, datë 2004-08-05

LIGJ

Nr.9252, datë 8.7.2004

PËR PUNËN E KUVENDIT NË PROCESIN E INTEGRIMIT TË SHQIPËRISË NË

BASHKIMIN EUROPIAN

Në mbështetje të neneve 78 dhe 83 pika 1 të Kushtetutës, me propozimin e deputetit Ilir Zela,

KUVENDI

I REPUBLIKËS SË SHQIPËRISË

VENDOSI:

Neni 1

Objekti i ligjit

Ky ligj ka si objekt vendosjen e rregullave të veçanta për rolin që duhet të luajë dhe punën që

duhet të kryejë Kuvendi, si organi më i lartë ligjvënës në Procesin e Stabilizimit dhe Asociimit, me

qëllim hartimin e një kuadri të plotë ligjor, mbështetjen dhe mbikëqyrjen e procesit të afrimit të

Shqipërisë me Bashkimin Europian.

Neni 2

Mbikëqyrja e Kuvendit

Kuvendi i Shqipërisë ndjek dhe mbikëqyr Procesin e Stabilizimit dhe Asociimit me Bashkimin

Europian, i cili realizohet nëpër mjet dialogut politik, negocimit dhe zbatimit të Marrëveshjes së

Stabilizimit dhe Asociimit, Programit CARDS dhe instrumenteve të tjera për koordinimin e

përpjekjeve dhe vlerësimin e arritjeve në drejtim të qëllimit të përbashkët.

Neni 3

Përgjegjësitë e Këshillit të Ministrave

Këshilli i Ministrave i dërgon rregullisht Kuvendit informacione mbi punën e bërë pranë

institucioneve të ndryshme të Bashkimit Europian dhe vlerësimet e bëra veçanërisht për:

a) projektmarrëveshjet dhe konventat që duhen lidhur me Bashkimin Europian në kuadër të

procesit të afrimit të Shqipërisë me Bashkimin Europian;