On the Ratification of the Agreement between the Council of Ministers of the Republic of Albania and the Government of the Republic of Turkey on Cooperation for Development and on the Status of the TIKA Programme Coordination Office in Albania

Lloji: Ligj

Fletore Zyrtare: nr. 108, datë 2024-07-01

LIGJ

Nr. 57/2024

PËR RATIFIKIMIN E MARRËVESHJES NDËRMJET KËSHILLIT TË MINISTRAVE

TË REPUBLIKËS SË SHQIPËRISË DHE QEVERISË SË REPUBLIKËS SË TURQISË,

PËR BASHKËPUNIMIN PËR ZHVILLIM DHE STATUSIN E ZYRËS SË

KOORDINIMIT TË PROGRAMEVE TË TIKA-s NË SHQIPËRI

Në mbështetje të neneve 78, 83, pika 1, 121 dhe 155 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet marrëveshja ndërmjet Këshillit të Ministrave të Republikës së Shqipërisë dhe qeverisë së

Republikës së Turqisë, për bashkëpunimin për zhvillim dhe statusin e Zyrës së Koordinimit të

Programeve të TIKA-s në Shqipëri, sipas tekstit që i bashkëlidhet këtij ligji.

Neni 2

Ky ligj hyn në fuqi 15 ditë pas botimit në Fletoren Zyrtare.

Miratuar në datën 6.6.2024.

Shpallur me dekretin nr. 232, datë 25.6.2024, të Presidentit të Republikës së Shqipërisë,

Bajram Begaj.

MARRËVESHJE

NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE

QEVERISË SË REPUBLIKËS SË TURQISË, PËR BASHKËPUNIMIN PËR ZHVILLIM

DHE STATUSIN E ZYRËS SË KOORDINIMIT TË PROGRAMEVE TË

TIKA-s NË SHQIPËRI

Këshilli i Ministrave i Republikës së Shqipërisë dhe qeveria e Republikës së Turqisë (në vijim të

referuara si “Palët”);

bazuar në marrëdhëniet miqësore ndërmjet dy vendeve;

në kuadër të qëllimit të zhvillimit të bashkëpunimit ekonomik dhe social; si dhe