On the Ratification of the Treaty of Friendship and Cooperation between the Republic of Albania and Ukraine

Lloji: Ligj

Fletore Zyrtare: nr. 107, datë 2024-06-28

LIGJ

Nr. 58/2024

PËR RATIFIKIMIN E TRAKTATIT TË MIQËSISË DHE BASHKËPUNIMIT

NDËRMJET REPUBLIKËS SË SHQIPËRISË DHE UKRAINËS

Në mbështetje të neneve 78, 83, pika 1, dhe 121, pika 1, të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI

Neni 1

Ratifikohet Traktati i Miqësisë dhe Bashkëpunimit ndërmjet Republikës së Shqipërisë dhe Ukrainës

sipas tekstit që i bashkëlidhet këtij ligji dhe është pjesë përbërëse e tij.

Ky ligj hyn në fuqi 15 ditë pas botimit në Fletoren Zyrtare.

Neni 2

Miratuar në datën 6.6.2024.

Shpallur me dekretin nr. 233, datë 25.6.2024, të Presidentit të Republikës së Shqipërisë, Bajram

Begaj.

TRAKTATI I MIQËSISË DHE BASHKËPUNIMIT

NDËRMJET REPUBLIKËS SË SHQIPËRISË DHE UKRAINËS

Republika e Shqipërisë dhe Ukraina, në vijim të referuara si “Palët”,

të udhëhequra nga Komunikata e Përbashkët për Vendosjen e Marrëdhënieve Diplomatike ndërmjet

Republikës së Shqipërisë dhe Ukrainës, e datës 13 janar 1993;

me dëshirën për të vendosur themelet politike të partneritetit të tyre afatgjatë, konstruktiv dhe dinamik,

dypalësh dhe shumëpalësh;

duke konfirmuar respektimin dhe përkushtimin e tyre ndaj parimeve dhe normave demokratike në

marrëdhëniet ndërmjet shteteve sovrane, të cilat duhet të zhvillohen në bazë të partneritetit, besimit të

ndërsjellë, inspektimit të vlerave dhe idealeve të përbashkëta të lirisë, demokracisë, drejtësisë, solidaritetit