ON THE RATIFICATION OF “PROTOCOL NO. 12 TO THE CONVENTION FOR THE PROTECTION OF HUMAN RIGHTS AND FUNDAMENTAL FREEDOMS”

Lloji: Ligj

Fletore Zyrtare: nr. 56, datë 2004-08-16

LIGJ

Nr. 9264, datë 29.7. 2004

PËR RATIFIKIMIN E “PROTOKOLLIT NR.12 TË KONVENTËS “PËR MBROJTJEN E TË

DREJTAVE TË NJERIUT DHE LIRIVE THEMELORE””

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Protokolli nr.12 i Konventës “Për mbrojtjen e të drejtave të njeriut dhe lirive

themelore””.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.4293, datë 2.8.2004 të Presidentit të Republikës së Shqipërisë,

Alfred Moisiu

PROTOKOLLI NR.12 I KONVENTËS PËR MBROJTJEN E TË DREJTAVE TË NJERIUT

DHE LIRIVE THEMELORE

Shtetet anëtare të Këshillit të Europës nënshkruese,

duke pasur parasysh parimin themelor, sipas të cilit të gjithë personat janë të barabartë para

ligjit dhe gëzojnë mbrojtje të barabartë nga ligji,

të vendosur për të ndërmarrë hapa të mëtejshme për të nxitur barazinë e të gjithë personave

nëpërmjet zbatimit kolektiv të ndalimit të përgjithshëm të diskriminimit me anë të Konventës për

mbrojtjen e të drejtave të njeriut dhe lirive themelore, të nënshkruar në Romë më 4 nëntor 1950 (më

tutje do të quhet “Konventa”),

duke ritheksuar se parimin i mosdiskriminimit nuk u ndalon shteteve anëtare të marrin masa

për të nxitur barazinë e plotë dhe të efektshme, me kusht që për këto masa të ketë një justifikim