ON THE RATIFICATION OF THE “DEVELOPMENT CREDIT AGREEMENT BETWEEN THE COUNCIL OF MINISTERS OF THE REPUBLIC OF ALBANIA AND THE INTERNATIONAL DEVELOPMENT ASSOCIATION (IDA), FOR THE THIRD PHASE OF THE CREDIT PROGRAM, IN SUPPORT OF POVERTY REDUCTION”

Lloji: Ligj

Fletore Zyrtare: nr. 96, datë 2004-12-17

LIGJ

Nr.9337, datë 16.12.2004

PËR RATIFIKIMIN E “MARRËVESHJES SË KREDISË PËR ZHVILLIM NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE SHOQATËS NDËRKOMBËTARE PËR ZHVILLIM (IDA), PËR PROGRAMIN E FAZËS SË TRETË TË KREDISË, NË MBËSHTETJE TË ULJES SË VARFËRISË”

Në mbështetje të neneve 78, 83 pika 1 dhe 121 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Marrëveshja e kredisë për zhvillim ndërmjet Këshillit të Ministrave të Republikës së Shqipërisë dhe Shoqatës Ndërkombëtare për Zhvillim (IDA), për programin e fazës së tretë të kredisë, në mbështetje të uljes së varfërisë”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.4427, datë 16.12.2004 të Presidentit të Republikës së Shqipërisë, Alfred Moisiu

MARRËVESHJE KREDIE PËR ZHVILLIM

(Kredia e tretë në mbështetje të uljes së varfërisë)

Marrëveshje……. 200 ndërmjet Shqipërisë (Huamarrësi) dhe Shoqatës për Zhvillim Ndërkombëtar (Shoqata)

Meqenëse (A) Shoqata ka marrë nga Huamarrësi një letër të datës………2004, që përshkruan programin e veprimeve, objektivave dhe politikave me qëllim zbutjen e varfërisë në territorin e Huamarrësit (tani e tutje quhet Programi), që deklaron përkushtimin e Huamarrësit për zbatimin e Programit dhe kërkon ndihmën e Shoqatës për të mbështetur programin gjatë zbatimit;