ON STATE AID

Lloji: Ligj

Fletore Zyrtare: nr. 36, datë 2005-05-27

LIGJ

Nr.9374, datë 21.4.2005

PËR NDIHMËN SHTETËRORE

Në mbështetje të neneve 78 dhe 83 pika 1 të Kushtetutës, me pro pozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Qëllimi

Qëllimi i këtij ligji është përcaktimi i parimeve dhe i procedurave, sipas të cilave lejohet dhe

kontrollohet ndihma shtetërore, për mbështetjen e zhvillimit ekonomik dhe shoqëror të vendit, si dhe

zbatimin e angazhimeve të ndërmarra nga Republika e Shqipërisë në marrëveshjet ndërkombëtare, që

përmbajnë dispozita për ndihmën shtetërore.

Neni 2

Fusha e zbatimit

1. Ky ligj zbatohet për të gjithë sektorët e prodhimit dhe të shërbimeve, si dhe për të gjitha

veprimet e ndërmarra nga organet e pushteteve shtetërore dhe të qeverisjes vendore ose entet, që

veprojnë në emër të shtetit dhe që japin një përfitim për ndërm arrje të veçanta, që veprojnë në

Republikën e Shqipërisë.

2. Ky ligj nuk zbatohet për ndihmën shtetërore të dhënë në sekt orët e bujqësisë dhe të

peshkimit.

Neni 3

Përkufizime

Në këtë ligj, termat e mëposhtëm kanë këtë kuptim:

1. "Dhënës të ndihmës shtetërore" (në vazhdim “dhënës”) janë organet e pushteteve shtetërore

dhe të qeverisjes vendore, si dhe çdo ent tjetër, që vepron në emër të shtetit, të cilat mund ose janë të

autorizuara të japin ndihmë shtetërore.