ON CERTAIN ADDITIONS AND AMENDMENTS TO LAW NO. 8454, DATED 4.2.1999, “ON THE OMBUDSMAN”, AS AMENDED BY LAW NO. 8600, DATED 10.4.2000

Lloji: Ligj

Fletore Zyrtare: nr. 45, datë 2005-06-14

LIGJ

Nr.9398, datë 12.5.2005

PËR DISA SHTESA E NDRYSHIME NË LIGJIN NR.8454, DATË 4.2.1999 "PËR AVOKATIN

E POPULLIT", NDRYSHUAR ME LIGJIN NR.8600, DATË 10.4.2000

Në mbështetje të neneve 81 pikat 1 dhe 2 shkronja “a” dhe 83 pik a 1 të Kushtetutës, me

propozimin e një grupi deputetësh,

KUVENDI

I REPUBLIKËS SË SHQIPËRISË

VENDOSI:

Në ligjin nr.8454, datë 4.2.1999 "Për Avokatin e Popullit", ndryshuar me ligjin nr.8600, datë

10.4.2000, bëhen këto shtesa dhe ndryshime:

Neni 1

Në fund të nenit 2 shtohet një paragraf me këtë përmbajtje:

“Avokati i Popullit kryen edhe detyra të tjera të caktuara me ligje të veçanta.”.

Neni 2

Në fund të nenit 4 shtohet një paragraf me këtë përmbajtje:

“Para marrjes ose rimarrjes së detyrës, Avokati i Popullit bën betimin para Kuvendit. Formula

e betimit është:

"Betohem se gjatë kryerjes së detyrave të mia do të mbroj kurdo herë liritë dhe të drejtat

themelore të njerëzve pa dallim, në përputhje me Kushtetutën dhe me ligjet e Republikës së

Shqipërisë.”.

Neni 3

Në fund të nenit 13 shtohen dy paragrafë me këtë përmbajtje:

“Në rastet kur Avokati i Popullit fillon procedurën e shqyrtimit të çështjes me nismën e vet

dhe kur kujdestari ose përfaqësuesi i tij ligjor nuk vepron, nuk kërkohet pëlqimi i të dëmtuarit kur

është i mitur ose i paaftë mendërisht apo me aftësi të kufizuar a ose për mbrojtjen e të drejtave të një

numri të madh të individëve.