ON CERTAIN AMENDMENTS TO LAW NO. 8701, DATED 1.12.2000 “ON GAMBLING, CASINOS AND HIPPODROMES”, AS AMENDED

Lloji: Ligj

Fletore Zyrtare: nr. 45, datë 2005-06-14

LIGJ

Nr.9408, datë 19.5.2005

PËR DISA NDRYSHIME NË LIGJIN NR.8701, DATË 1.12.2000 "PËR LOJËRAT E FATIT, KAZINOTË DHE HIPODROMET", I NDRYSHUAR

Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr.8701, datë 1.12.2000 "Për lojërat e fatit, kazinotë dhe hipodromet", i ndryshuar, bëhen këto ndryshime:

Neni 1

Paragrafi i parë, paragrafi i dytë, paragrafi i katërt dhe paragrafi i pestë të pikës 1 të nenit 3 shfuqizohen.

Neni 2

Neni 10 "Ndarja e të ardhurave" ndryshohet si më poshtë:

"Neni 10

Detyrimet tatimore

1. Tatim-fitimi i shoqërisë (organizatorit) llogaritet dhe paguhet në përputhje me dispozitat e ligjit nr.8438, datë 25.12.1998 "Për tatimin mbi të ardhurat", i ndryshuar.

2.Të ardhurat, që përfitohen nga lojtarët apo fituesit, që marrin pjesë në lojërat e fatit dhe kazinotë, përjashtohen nga tatimi mbi të ardhurat.

3.Veprimtaritë e lojërave të fatit, që tatohen sipas dispozitave të këtij ligji, përjashtohen nga tatimi mbi vlerën e shtuar.

4.Detyrimet tatimore janë:

a) Për lojërat aritmetike:

i) organizatori i lojës bingo, që zhvillohet për pjesëmarrës brenda sallës, paguan një tatim për lojërat e fatit, me një kuotë fikse, çdo muaj, për çdo sallë, përkatësisht 250 000 lekë për rrethet e kategorisë së parë, 200 000 lekë për rrethet e kategorisë së dytë dhe 150 000 lekë për rrethet e kategorisë së tretë;