On the ratification of the “Grant Agreement between the Republic of Albania and the European Community for a grant up to EUR 16,000,000”

Lloji: Ligj

Fletore Zyrtare: nr. 93, datë 2005-12-08

LIGJ

Nr.9439, datë 11.11.2005

PËR RATIFIKIMIN E “MARRËVESHJES NDËRMJET REPUBLIKËS SË SHQIPËRISË DHE KOMUNITETIT EUROPIAN PËR NJË GRANT DERI NË 16 000 000 EURO”

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Marrëveshja ndërmjet Republikës së Shqipërisë dhe Komunitetit Europian për një grant deri në 16 000 000 (gjashtëmbëdhjetë milionë) euro”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.4704, datë 30.11.2005 të Presidentit të Republikës së Shqipërisë Alfred Moisiu

MARRËVESHJE GRANTI

NDËRMJET KOMUNITETIT EUROPIAN DHE REPUBLIKËS SË SHQIPËRISË PËR NJË GRANT DERI NË 16 MILIONË EURO

1. Granti

a) Komuniteti Europian bën të vlefshme për Republikën e Shqipërisë (Vendi), sipas kushteve dhe termave të përcaktuara në vendimin 2004/580/KE, në memorandumin e mirëkuptimit përkatës, një grant asistence prej dy këstesh, për shumën deri në 16 milionë euro me qëllim zbutjen e kufizimeve të financimit të huaj, duke mbështetur një situatë të qëndrueshme të bilancit të pagesave dhe duke siguruar pozicionin e rezervave të këmbimit të jashtëm. Kësti i parë do të jetë në shumën 3 milionë euro dhe kësti i dytë deri në shumën 13 milionë euro.