On certain amendments and additions to Law No. 8811, dated 17.5.2001, “On the organisation and functioning of the High Council of Justice”

Lloji: Ligj

Fletore Zyrtare: nr. 99, datë 2005-12-29

LIGJ

Nr.9448, datë 5.12.2005

PËR DISA NDRYSHIME DHE SHTESA NË LIGJIN NR. 8811, DATË 17.5.2001 “PËR

ORGANIZIMIN DHE FUNKSIONIMIN E KËSHILLIT TË LARTË TË DREJTËSISË”

Në mbështetje të neneve 81 pika 2 dhe 83 pika 1 të Kushtetutës, me propozimin e një gru pi

deputetësh,

KUVENDI

I REPUBLIKËS SË SHQIPËRISË

VENDOS I:

Në ligjin nr.8811, datë 17.5.2001 “Për organizimin dhe funksionimin e Këshillit të Lartë të

Drejtësisë”, bëhen këto ndryshime dhe shtesa:

Neni 1

Në nenin 4 pika 2, pas fjalës “juristë” shtohen fjalët “jo gjyqtarë”.

Neni 2

Neni 5 ndryshohet si më poshtë:

“Neni 5

Papajtueshmëritë

Mandati i anëtarit të Këshillit të Lartë të Drejtësisë është i papajtueshëm me çdo veprimtari

tjetër politike, publike ose private, përveç mësimdhënies.”.

Neni 3

Neni 6 ndryshohet si më poshtë:

“Neni 6

Kohëzgjatja në detyrë, imuniteti dhe paga

1. Anëtarët e zgjedhur qëndrojnë në detyrë për një periudhë 5- vjeçare pa të drejtë rizgjedhjeje

të menjëhershme. Anëtarët e KLD -së, të zgjedhur prej Konferencës Gjyqësore Kombëtare ose

Kuvendit, e ushtrojnë detyrën e tyre me kohë të plotë. Afati i qëndrimit në detyrë i anëtarëve të

zgjedhur të KLD-së fillon nga data e zgjedhjes së tyre.

2. Pas përfundimit të mandatit, anëtari i zgjedhur nga Konferenca Gjyqësore Kombëtare

rikthehet pranë gjykatës ku kryente detyrën si gjyqtar, ose me pëlqimin e tij në një gjykatë tjetër të të