On the accession of the Republic of Albania to the Protocol “On explosive remnants of war” to the Convention “On the prohibition or restriction of the use of certain conventional weapons which may be deemed to be excessively injurious or to have indiscriminate effects” (Protocol V)

Lloji: Ligj

Fletore Zyrtare: nr. 16, datë 2006-03-06

LIGJ

Nr.9468, datë 2.2.2006

PËR ADERIMIN E REPUBLIKËS SË SHQIPËRISË NË PROTOKOLLIN “PËR MBETJET EKSPLOZIVE TË LUFTËS” TË KONVENTËS “PËR NDALIMIN OSE KUFIZIMIN E PËRDORIMIT TË ARMËVE TË QUAJTURA KONVENCIONALE, TË CILAT MUND TË KONSIDEROHEN SE SHKAKTOJNË DËMTIME TË MËDHA OSE PASOJA PA DALLIM” (PROTOKOLLI V)

Në mbështetje të neneve 78, 83 pika 1 dhe 121 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Republika e Shqipërisë aderon në Protokollin “Për mbetjet eksplozive të luftës” të Konventës “Për ndalimin ose kufizimin e përdorimit të armëve të quajtura konvencionale, të cilat mund të konsiderohen se shkaktojnë dëmtime të mëdha ose pasoja pa dallim” (Protokolli V).

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.4787, datë 24.2.2006 të Presidentit të Republikës së Shqipërisë Alfred Moisiu

PROTOKOLL

MBI MBETJET EKSPLOZIVE TË LUFTËS

(PROTOKOLLI V)

Palët Kontraktuese,

duke njohur problemet e rënda humanitare, postkonfliktuale të shkaktuara nga eksplozivat e mbetur nga lufta,

të ndërgjegjshëm për nevojën e përfundimit të një protokolli për masat rregulluese pas konflikteve të një natyre të përgjithshme, me qëllim zvogëlimin e rreziqeve dhe ndikimeve të mbetura nga lufta,