On the accession of the Republic of Albania to the Amendment to the Convention “On the prohibition or restriction of the use of certain conventional weapons which may be deemed to be excessively injurious or to have indiscriminate effects”

Lloji: Ligj

Fletore Zyrtare: nr. 18, datë 2006-03-08

LIGJ

Nr.9472, datë 9.2.2006

PËR ADERIMIN E REPUBLIKËS SË SHQIPËRISË NË AMENDAMENTIN E KONVENTËS “PËR NDALIMIN OSE KUFIZIMIN E PËRDORIMIT TË ARMËVE TË QUAJTURA KONVENCIONALE, TË CILAT MUND TË KONSIDEROHEN SE SHKAKTOJNË DËMTIME TË MËDHA OSE PASOJA PA DALLIM”

Në mbështetje të neneve 78, 83 pika 1 dhe 121 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Republika e Shqipërisë aderon në amendamentin e Konventës “Për ndalimin ose kufizimin e përdorimit të armëve të quajtura konvencionale, të cilat mund të konsiderohen se shkaktojnë dëmtime të mëdha ose pasoja pa dallim”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.4794, datë 3.3.2006 të Presidentit të Republikës së Shqipërisë, Alfred Moisiu

KONVENTA

MBI NDALIMIN OSE KUFIZIMIN E PËRDORIMIT TË DISA ARMËVE TË CAKTUARA KONVENCIONALE, TË CILAT MUND TË KONSIDEROHEN SE SHKAKTOJNË DËMTIME TË RËNDA OSE SJELLIN PASOJA PA DALLIM

Gjenevë, 10 tetor 1980

Amendament i nenit 1-21.12.2001

Neni 1

Qëllimi kryesor i zbatimit

Kjo Konventë dhe protokollet e aneksuara do të zbatohen në situata të cilat përmenden në nenin 2 të konventave të Gjenevës të 12 gushtit 1949 për mbrojtjen e viktimave të luftës, përfshirë çdo situatë të përshkruar në paragrafin 4 të nenit 1 të protokollit të parë shtesë të këtyre konventave.