On the accession of the Republic of Albania to Decisions II/14 and III/7, amendments to the Espoo Convention “On environmental impact assessment in a transboundary context”

Lloji: Ligj

Fletore Zyrtare: nr. 20, datë 2006-03-17

LIGJ

Nr.9478, datë 16.2.2006

PËR ADERIMIN E REPUBLIKËS SË SHQIPËRISË NË VENDIMET II/14 DHE III/7, AMENDAMENTE TË KONVENTËS SË ESPOO-S “PËR VLERËSIMIN E NDIKIMIT

NË MJEDIS, NË KONTEKST NDËRKUFITAR”

Në mbështetje të neneve 78, 83 pika 1 dhe 121 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Republika e Shqipërisë aderon në vendimin II/14, amendament i Konventës së ESPOO-s “Për vlerësimin e ndikimit në mjedis, në kontekst ndërkufitar”.

Neni 2

Republika e Shqipërisë aderon në vendimin III/7, amendament i Konventës së ESPOO-s “Për vlerësimin e ndikimit në mjedis, në kontekst ndërkufitar”.

Neni 3

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.4800, datë 10.3.2006 të Presidentit të Republikës së Shqipërisë, Alfred Moisiu

SHTOJCA VII

VENDIMI III/7

AMENDAMENTI I DYTË I KONVENTËS SË ESPOO-S

Mbledhja,

duke mbajtur parasysh vendimin e saj 11/10 mbi rishikimin e Konventës dhe paragrafin 19 të Deklaratës Ministeriale të Sofies;

duke dëshiruar të ndryshojë Konventën me synim forcimin e mëtejshëm të zbatimit të saj dhe përmirësimin e raportit me marrëveshjet e tjera shumëpalëshe mjedisore;

duke përgëzuar punën e bërë nga grupi i punës i krijuar në mbledhjen e dytë të palëve, nga grupi i vogël mbi ndryshimet dhe nga vetë grupi i punës mbi vlerësimin e ndikimit në mjedis;