On the ratification of the Convention for the Safeguarding of the Intangible Cultural Heritage, Paris 2003

Lloji: Ligj

Fletore Zyrtare: nr. 24, datë 2006-04-07

LIGJ

Nr.9490, datë 13.3.2006

PËR RATIFIKIMIN E KONVENTËS PËR RUAJTJEN E TRASHËGIMISË KULTURORE JOMATERIALE, PARIS 2003

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet Konventa për Ruajtjen e Trashëgimisë Kulturore Jomateriale, Paris 2003.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.4818, datë 28.3.2006 të Presidentit të Republikës së Shqipërisë Alfred Moisiu

KONVENTA

PËR RUAJTJEN E TRASHËGIMISË KULTURORE JOMATERIALE

Paris, më 17 tetor 2003

Konferenca e përgjithshme e Organizatës së Kombeve të Bashkuara për arsimin shkencën dhe kulturën, më poshtë e quajtur “UNESCO”, e mbledhur në Paris nga 29 shtatori deri në 17 tetor 2003 në sesionin e 32-të të saj,

duke iu referuar instrumenteve ndërkombëtare ekzistuese lidhur me të drejtat e njeriut, në veçanti Deklaratës së përbotshme për të drejtat e njeriut të 1948-ës, Paktit ndërkombëtar për të drejtat ekonomike, sociale dhe kulturore të 1966-ës dhe Paktit ndërkombëtar për të drejtat civile dhe politike të 1966-ës;