On the Accession of the Republic of Albania to the “Strasbourg Agreement Concerning the International Patent Classification, 1979”

Lloji: Ligj

Fletore Zyrtare: nr. 59, datë 2006-06-13

LIGJ

Nr.9532, datë 15.5.2006

PËR ADERIMIN E REPUBLIKËS SË SHQIPËRISË NË “MARRËVESHJEN E STRASBURGUT PËR KLASIFIKIMIN NDËRKOMBËTAR TË PATENTAVE, 1979”

Në mbështetje të neneve 78, 83 pika 1 dhe 121 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Republika e Shqipërisë aderon në “Marrëveshjen e Strasburgut për klasifikimin ndërkombëtar të patentave, 1979”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.4895, datë 2.6.2006 të Presidentit të Republikës së Shqipërisë, Alfred Moisiu

MARRËVESHJA E STRASBURGUT

MBI KLASIFIKIMIN NDËRKOMBËTAR TË PATENTAVE

E DATËS 24 MARS 1971, AMENDUAR MË 28 SHTATOR 1979

Palët,

duke e konsideruar miratimin universal të një sistemi uniform të klasifikimit të patentave, certifikatave të shpikësve, certifikatat e modeleve të përdorimit në interesin e përgjithshëm si kusht për të vendosur një bashkëpunim më të ngushtë në fushën e pronësisë industriale dhe kontribuar mbi harmonizimin e legjislacionit kombëtar në këtë fushë;

duke njohur rëndësinë e Konventës Europiane mbi klasifikimin ndërkombëtar të patentave për shpikjet të 19 dhjetorit 1954, me të cilën Këshilli i Europës krijoi klasifikimin ndërkombëtar për patentat për shpikjet;