On Certain Additions and Amendments to Law No. 8457, dated 11.2.1999, “On Classified Information ‘State Secret’”

Lloji: Ligj

Fletore Zyrtare: nr. 57, datë 2006-06-09

LIGJ

Nr.9541, datë 22.5.2006

PËR DISA SHTESA DHE NDRYSHIME NË LIGJIN NR.8457, DATË 11.2.1999 “PËR

INFORMACIONIN E KLASIFIKUAR “SEKRET SHTETËROR””

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOS I:

Në ligjin nr.8457, datë 11.2.1999 “Për informacionin e klasifikuar “sekret shtetëror””, bëhen

këto shtesa dhe ndryshime:

Neni 1

Pas nenit 1 shtohet neni 1/1 me këtë përmbajtje:

“Neni 1/1

Fusha e veprimit

Ky ligj zbatohet për të gjitha institucionet shtetërore, qendrore ose të varësisë, për organet e

drejtësisë, prokurorisë dhe/ose personat juridikë/fizikë, personat me imunitet, kur për ushtrimin e

detyrave të tyre duhet të kenë akses në informacionin e klasifikuar “sekret shtetëror””.

Neni 2

Në nenin 2 “Përkufizime” bëhen shtesat si më poshtë:

“INFOSEC” është zbatimi i masave të sigurisë për mbrojtjen e informacionit të klasifikuar

gjatë përpunimit, arkivimit ose transmetimit në sistemet e komunikimit, sistemet e informacionit dhe

sistemet e tjera elektronike nga cenimi aksidental ose i qëllimshëm i objektivave të sigurisë:

konfidencialitetit, integritetit dhe disponibilitetit.

“Konfidencialiteti” është mbrojtja e informacionit nga aksesi i paautorizuar.

“Integriteti” është mbrojtja e informacionit nga modifikimi i paautorizuar.