On certain amendments to Law No. 8976, dated 12.12.2002, “On Excise Duties”, as amended

Lloji: Ligj

Fletore Zyrtare: nr. 63, datë 2006-06-22

LIGJ

Nr.9546, datë 29.5.2006

PËR DISA NDRYSHIME NË LIGJIN NR.8976, DATË 12.12.2002 “PËR AKCIZAT”, TË NDRYSHUAR

Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr.8976, datë 12.12.2002 “Për akcizat”, të ndryshuar, bëhen ndryshimet e mëposhtme:

Neni 1

Pika 4 e nenit 19 ndryshohet si më poshtë:

“4. Përjashtohet nga akciza sasia e karburantit, që do të përdoret për:

a) mekanikën bujqësore;

b) serrat me ngrohje;

c) subjektet, që kanë kaldaja në linjat e përpunimit të qumështit.

Përcaktimi i sasisë së karburantit dhe skema e përdorimit të tij bëhen me vendim të Këshillit të Ministrave dhe me udhëzim të përbashkët të Ministrisë së Financave dhe Ministrisë së Bujqësisë, Ushqimit dhe Mbrojtjes së Konsumatorit.”.

Neni 2

Shtojca 1, që i bashkëlidhet ligjit nr.8976, datë 12.12.2002 “Për akcizat”, të ndryshuar, zëvendësohet me shtojcën 1 që i bashkëlidhet këtij ligji.

Neni 3

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.4937, datë 16.6.2006 të Presidentit të Republikës së Shqipërisë, Alfred Moisiu

SHTOJCA 1

MALLRAT E TATUESHME ME AKCIZË NË REPUBLIKËN E SHQIPËRISË

Kodi NK | Përshkrimi | Shkalla tatimore

I | KAFE |

09 01 11 00 09 01 12 00 | Kafe jo e pjekur e dekafeinizuar ose jo | 40 lekë/kg

09 01 21 00 09 01 22 00 | Kafe e pjekur e dekafeinizuar ose jo | 80 lekë/kg