On the ratification of the “Agreement between the Council of Ministers of the Republic of Albania and the European Community on certain aspects of air services”

Lloji: Ligj

Fletore Zyrtare: nr. 86, datë 2006-08-10

LIGJ

Nr.9586, datë 20.7.2006

PËR RATIFIKIMIN E “MARRËVESHJES NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE KOMUNITETIT EUROPIAN PËR ASPEKTE TË CAKTUARA TË SHËRBIMEVE AJRORE”

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Marrëveshja ndërmjet Këshillit të Ministrave të Republikës së Shqipërisë dhe Komunitetit Europian për aspekte të caktuara të shërbimeve ajrore”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.5006, datë 4.8.2006 të Presidentit të Republikës së Shqipërisë, Alfred Moisiu

MARRËVESHJA

NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE KOMUNITETIT EUROPIAN PËR DISA ASPEKTE TË CAKTUARA TË SHËRBIMEVE AJRORE

Këshilli i Ministrave të Republikës së Shqipërisë, nga njëra anë, dhe Komiteti Europian

nga ana tjetër (këtu e në vijim referuar si “Palët”),

duke vënë re se marrëveshjet dypalëshe të shërbimit ajror që janë përfunduar ndërmjet disa Shteteve Anëtare të Komunitetit Europian dhe Republikës së Shqipërisë përmbajnë dispozita në kundërshtim me ligjin e Komunitetit;

duke vënë re se Komuniteti Europian ka kompetencë eskluzive në lidhje me disa aspekte që mund të përfshiheshin në marrëveshjet dypalëshe të shërbimit ajror ndërmjet Shteteve Anëtare të Komunitetit Europian dhe vendeve të treta;