On the Ratification of the “Financing Agreement between the Republic of Albania and the International Development Association (IDA) for the Avian Influenza Control and Pandemic Preparedness Project”

Lloji: Ligj

Fletore Zyrtare: nr. 102, datë 2006-09-29

LIGJ

Nr.9611, datë 18.9.2006

PËR RATIFIKIMIN E “MARRËVESHJES SË FINANCIMIT NDËRMJET REPUBLIKËS SË SHQIPËRISË DHE SHOQATËS NDËRKOMBËTARE PËR ZHVILLIM (IDA) PËR PROJEKTIN E KONTROLLIT TË GRIPIT TË SHPENDËVE DHE PËRGATITJES PËR PARANDALIMIN E PANDEMISË HUMANE”

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Marrëveshja e financimit ndërmjet Republikës së Shqipërisë dhe Shoqatës Ndërkombëtare për Zhvillim (IDA) për projektin e kontrollit të gripit të shpendëve dhe përgatitjes për parandalimin e pandemisë humane”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.5036, datë 26.9.2006 të Presidentit të Republikës së Shqipërisë, Alfred Moisiu

MARRËVESHJE FINANCIMI

NDËRMJET SHQIPËRISË DHE SHOQATËS PËR ZHVILLIM NDËRKOMBËTAR

Marrëveshje e datës______2006, ndërmjet Shqipërisë (“Përfituesit”) dhe Shoqatës për Zhvillim Ndërkombëtar (“Shoqata”). Përfituesi dhe Shoqata bien dakord si më poshtë:

Neni 1

Kushte të përgjithshme; përkufizime

1.01. Kushtet e përgjithshme (siç parashikohen në shtojcën e kësaj Marrëveshjeje) përbëjnë një pjesë integrale të kësaj Marrëveshjeje.

1.02. Nëse konteksti nuk e kërkon ndryshe, termat me germa kapitale të përdorura në Marrëveshjen e Financimit kanë kuptimin që u jepet në kushtet e përgjithshme ose në shtojcën e kësaj Marrëveshjeje.