On Certain Additions and Amendments to Law No. 8618, dated 14.6.2000 “On Telecommunications in the Republic of Albania”

Lloji: Ligj

Fletore Zyrtare: nr. 118, datë 2006-11-17

LIGJ

Nr.9625, datë 16.10.2006

PËR DISA SHTESA DHE NDRYSHIME NË LIGJIN NR.8618, DATË 14.6.2000 “PËR

TELEKOMUNIKACIONET NË REPUBLIKËN E SHQIPËRISË”

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr.8618, datë 14.6.2000 “Për telekomunikacionet në Republikën e Shqipërisë”, bëhen këto

shtesa dhe ndryshime:

Neni 1

Neni 24 ndryshohet si më poshtë:

“Neni 24

Ruajtja dhe administrimi i të dhënave për qëllime të ndjekjes penale

Pavarësisht nga neni 22 i ligjit, për qëllime të gjurmimit e parandalimit të veprave penale dhe të

procedimit penal, operatori publik i telekomunikacioneve detyrohet të ruajë dhe të administrojë, për një afat

dyvjeçar, skedarët e të dhënave për përdoruesit e shërbimeve të tij.

Skedarët e të dhënave për përdoruesit e shërbimeve publike të telekomunikacionit duhet të mbajnë të

dhëna që mundësojnë:

a) identifikimin e përdoruesve të shërbimeve publike të telekomunikacionit, duke siguruar marrjen dhe

regjistrimin e identitetit të plotë të tyre;

b) identifikimin e tipit të pajisjes fundore, të përdorur gjatë komunikimeve;

c) përcaktimin e datës, orës dhe kohëzgjatjes së komunikimeve.

Këta skedarë duhet t’u vihen në dispozicion, edhe në formë elektronike, autoriteteve që përcakton Kodi

i Procedurës Penale, në bazë të kërkesës së tyre.”.

Neni 2