ON THE RATIFICATION OF THE “PROGRAMME FOR COOPERATION IN THE FIELD OF EDUCATION, SCIENCE AND CULTURE BETWEEN THE COUNCIL OF MINISTERS OF THE REPUBLIC OF ALBANIA AND THE GOVERNMENT OF THE REPUBLIC OF BULGARIA FOR THE PERIOD 2007–2009”

Lloji: Ligj

Fletore Zyrtare: nr. 80, datë 2007-07-04

LIGJ

Nr.9756, datë 18.6.2007

PËR RATIFIKIMIN E “PROGRAMIT PËR BASHKËPUNIMIN NË FUSHËN

E ARSIMIT, SHKENCËS DHE KULTURËS NDËRMJET KËSHILLIT

TË MINISTRAVE TË REPUBLIKËS SË SHQIPËRISË DHE QEVERISË

SË REPUBLIKËS SË BULLGARISË PËR PERIUDHËN 2007-2009”

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Programi për bashkëpunimin në fushën e arsimit, shkencës dhe kulturës ndërmjet Këshillit të Ministrave të Republikës së Shqipërisë dhe Qeverisë së Republikës së Bullgarisë për periudhën 2007-2009”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.5374, datë 25.6.2007 të Presidentit të Republikës së Shqipërisë, Alfred Moisiu

PROGRAM

PËR BASHKËPUNIMIN NË FUSHAT E ARSIMIT, SHKENCËS DHE KULTURËS

NDËRMJET KËSHILLIT TË MINISTRAVE TË REPUBLIKËS SË SHQIPËRISË

DHE QEVERISË SË REPUBLIKËS SË BULLGARISË, PËR PERIUDHËN 2007-2009

Këshilli i Ministrave i Republikës së Shqipërisë dhe Qeveria e Republikës së Bullgarisë këtu quhen “të dy Palët”;

të nisura nga dëshira për të zhvilluar dhe thelluar bashkëpunimin e tyre në fushat e arsimit, shkencës dhe kulturës;

me synimin e forcimit dhe nxitjes së marrëdhënieve miqësore ndërmjet popujve të Shqipërisë dhe Bullgarisë;