ON CERTAIN AMENDMENTS AND AN ADDITION TO LAW NO. 8402, DATED 10 SEPTEMBER 1998, “ON CONTROL AND DISCIPLINE OF CONSTRUCTION WORKS”, AS AMENDED

Lloji: Ligj

Fletore Zyrtare: nr. 104, datë 2007-08-06

LIGJ

Nr.9794, datë 23.7.2007

PËR DISA NDRYSHIME E SHTESA NË LIGJIN NR.8402, DATË 10.9.1998 “PËR

KONTROLLIN DHE DISIPLINIMIN E PUNIMEVE TË NDËRTIMIT”, TË NDRYSHUAR

Në mbështetje të neneve 78 e 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr.8402, datë 10.9.1998 “Për kontrollin dhe disiplinimin e punimeve të ndërtimit”, të

ndryshuar, bëhen këto ndryshime e shtesa:

Neni 1

Në nenin 7 paragrafi i tretë ndryshohet si më poshtë:

“Mbikëqyrësi i punimeve është i detyruar të kontrollojë dhe është përgjegjës për zbatimin e

punimeve të ndërtimit, në përputhje me lejen e ndërtimit, projektin, kushtet teknike të projektimit, të

zbatimit, si dhe destinacionin e objektit. Ai është i detyr uar të kontrollojë librin e kantierit dhe është

përgjegjës për saktësinë, vërtetësinë e dokumenteve dhe cilësinë e punimeve të ndërtimit.”.

Neni 2

Në nenin 8 bëhen këto ndryshime:

a) Paragrafi i parë ndryshohet si më poshtë:

“Zbatimi i punimeve të ndërt imit kryhet vetëm nga persona juridikë, privatë ose publikë,

vendas apo të huaj, të pajisur me licencën përkatëse, për zbatim punimesh ndërtimore.”.

b) Fjalia e parë e paragrafit të dytë ndryshohet si më poshtë:

“Zbatuesi i punimeve mban përgjegjësi dhe është i detyruar të realizojë punimet e ndërtimit,