ON AN ADDITION TO LAW NO. 8744, DATED 22 FEBRUARY 2001, “ON TRANSFER OF STATE PUBLIC IMMOVABLE PROPERTY TO LOCAL GOVERNMENT UNITS”, AS AMENDED

Lloji: Ligj

Fletore Zyrtare: nr. 104, datë 2007-08-06

1

LIGJ

Nr.9797, datë 23.7.2007

PËR NJË SHTESË NË LIGJIN NR.8744, DATË 22.2.2001 “PËR TRANSFERIMIN E

PRONAVE TË PALUAJTSHME PUBLIKE TË SHTETIT NJËSIVE TË QEVERISJES

VENDORE”, TË NDRYSHUAR

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Në ligjin nr.8744, datë 22.2.2001 “Për transferimin e pronave të paluajtshme publike të

shtetit njësive të qeverisjes vendore”, të ndryshuar, pas nenit 8 shtohet neni 8/ a me këtë

përmbajtje:

“Neni 8/a

Revokimi i transferimit të pronësisë

Këshilli i Ministrave, me propozimin e ministrit që mbulon pushtetin vendor, revokon

transferimin e së drejtës së pronësisë kur:

a) prona nuk i shërben më realizimit të funksioneve ose shërbimeve, të njohura me ligj

nga njësitë e qeverisjes vendore;

b) prona, që ka kaluar në pronësi të qeverisjes vendore, përfshihet në fushën e veprimit

të ligjit për kthimin dhe kompensimin e pronave.”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.5452, datë 31 .7.2007 të Presidentit të Republikës së Shqipërisë,

Bamir Topi