ON THE REMOVAL FROM THE NATIONAL FORESTRY FUND OF PARCELS LOCATED IN THE FORESTRY ECONOMIES OF KRASTË–KRUJË AND SHËMRI–BRRET, WHICH WILL BE USED FOR THE CONSTRUCTION OF THE CEMENT FACTORY AND QUARRY BY “ANTEA CEMENT” SHA

Lloji: Ligj

Fletore Zyrtare: nr. 104, datë 2007-08-06

LIGJ

Nr.9793, datë 23.7.2007

PËR HEQJEN NGA FONDI PYJOR KOMBËTAR TË PARCELAVE NË EKONOMITË PYJORE KRASTË - KRUJË DHE SHËMRI - BRRET, QË DO TË PËRDOREN PËR NDËRTIMIN E FABRIKËS SË ÇIMENTOS E PËR KARIERA NGA “ANTEA CEMENT” SHA

Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Parcelat pyjore, që do të përdoren nga “Antea Cement” sh.a. për ndërtimin e fabrikës së çimentos, me sipërfaqe 65,75 ha, për karierë flyshi, me sipërfaqe prej 58,95 ha dhe karierë gëlqerorësh, me sipërfaqe prej 99,76 ha, të cilët ndodhen në ekonomitë pyjore Kastë – Krujë dhe Shëmri - Brret, gjithsej 224,46 ha, të hiqen nga fondi pyjor kombëtar dhe të çregjistrohen nga kadastra kombëtare e pyjeve, sipas tabelave 1 e 3 dhe hartave, që i bashkëlidhen këtij ligji.

Neni 2

Të përcaktohen në terren dhe në harta kufijtë e rinj të fondit pyjor kombëtar, që përftohen nga heqja e sipërfaqeve të këtyre parcelave, sipas nenit 1 të këtij ligji, si dhe të përfundojnë procedurat e pagesave, sipas tabelës 2 dhe hartave, që i bashkëlidhen këtij ligji.

Neni 3

Brenda 5 vjetëve nga hyrja në fuqi e këtij ligji “Antea Cement”, sh.a. do të pyllëzojë 250 ha pyje në parcelat e degraduara pyjore, sipas përcaktimit të drejtorisë përkatëse të shërbimit pyjor.

Neni 4

Ky ligj hyn në fuqi 15 ditë pas botimit në Fletoren Zyrtare.