ON THE APPROVAL OF THE “MINING EXPLOITATION AGREEMENT BETWEEN THE MINISTRY OF ECONOMY, TRADE AND ENERGY AND THE COMPANY ‘CEMENTOS AGUILA’ SHPK”

Lloji: Ligj

Fletore Zyrtare: nr. 137, datë 2007-10-19

LIGJ

Nr.9812, datë 1.10.2007

PËR MIRATIMIN E “MARRËVESHJES MINERARE TË SHFRYTËZIMIT NDËRMJET MINISTRISË SË EKONOMISË, TREGTISË DHE ENERGJETIKËS DHE SHOQËRISË “CEMENTOS AGUILA” SHPK”

Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Miratohet “Marrëveshja minerare e shfrytëzimit ndërmjet Ministrisë së Ekonomisë, Tregtisë dhe Energjetikës dhe Shoqërisë “Cementos Aguila” sh.p.k.”, miratuar me vendimin nr.515, datë 15.8.2007 të Këshillit të Ministrave.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.5489, datë 10.10.2007 të Presidentit të Republikës së Shqipërisë, Bamir Topi

MARRËVESHJE MINERARE E SHFRYTËZIMIT

E lidhur ndërmjet Ministrisë së Ekonomisë, Tregtisë dhe Energjetikës, e përfaqësuar nga Kristo Rodi, Drejtor i Përgjithshëm, i autorizuar nga Ministri z.Genc Ruli dhe

“Cementos Aguila” sh.p.k. shoqëri e themeluar në bazë të legjislacionit shqiptar me vendim nr.36422, datë 3.10.2006, me seli në adresën: Bulevardi “Dëshmorët e Kombit”, Twin Towers (Kullat binjake), nr.2, kati 11/3, Tiranë, Shqipëri, e përfaqësuar nga administratori i shoqërisë z.Emilio Izquierdo Merlo.

Duke pasur parasysh që:

- Në kuadrin e zhvillimit ekonomik të vendit, Qeveria Shqiptare i ka dhënë prioritet zhvillimit të zonave industriale lidhur me aktivitetin minerar;