ON THE RATIFICATION OF THE “AGREEMENT BETWEEN THE REPUBLIC OF ALBANIA AND THE EUROPEAN COMMUNITY ON THE FACILITATION OF THE ISSUANCE OF VISAS”

Lloji: Ligj

Fletore Zyrtare: nr. 142, datë 2007-10-24

LIGJ

Nr.9815, datë 8.10.2007

PËR RATIFIKIMIN E “MARRËVESHJES NDËRMJET REPUBLIKËS SË SHQIPËRISË DHE KOMUNITETIT EUROPIAN PËR LEHTËSIMIN E LËSHIMIT TË VIZAVE”

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Marrëveshja ndërmjet Republikës së Shqipërisë dhe Komunitetit Europian për lehtësimin e lëshimit të vizave”.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.5492, datë 16.10.2007 të Presidentit të Republikës së Shqipërisë, Bamir Topi

MARRËVESHJE

NDËRMJET KOMUNITETIT EUROPIAN DHE REPUBLIKËS SË SHQIPËRISË

MBI LEHTËSIMIN E LËSHIMIT TË VIZAVE

Komuniteti Europian këtu i quajtur “Komuniteti”,

dhe

Republika e Shqipërisë,

që këtu quhen Palët;

duke pasur parasysh Marrëveshjen e Stabilizimit dhe Asociimit (MSA) ndërmjet Komunitetit Europian dhe Republikës së Shqipërisë, që u nënshkrua, më 12 qershor 2006 dhe që tashmë rregullon marrëdhëniet me Republikën e Shqipërisë;

duke riafirmuar qëllimin e bashkëpunimit të ngushtë brenda kuadrit të MSA-së ekzistuese për liberalizimin e regjimit të vizave ndërmjet Republikës së Shqipërisë dhe Bashkimit Europian, në pajtim me përfundimet e Samitit BE-Ballkan Perëndimor, të mbajtur në Selanik, më 21 qershor 2003;