ON THE ACCREDITATION OF CONFORMITY ASSESSMENT BODIES IN THE REPUBLIC OF ALBANIA

Lloji: Ligj

Fletore Zyrtare: nr. 152, datë 2007-11-13

LIGJ

Nr.9824, datë 1.11.2007

PËR AKREDITIMIN E ORGANIZMAVE TË VLERËSIMIT TË KONFORMITETIT NË

REPUBLIKËN E SHQIPËRISË

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Qëllimi

Ky ligj përcakton rregullat për krijimin dhe funksionimin e sistemit të akreditimit të

organizmave të vlerësimit të konformitetit, fushat ku kryhet akreditimi dhe rolin e akreditimit në

procedurat e autorizimit të organizmave të vlerësimit të konformitetit në sferën e detyrueshme.

Neni 2

Përkufizime

Në këtë ligj termat e mëposhtëm kanë këto kuptime:

1. “Akreditim” është veprimtaria e një pale të tretë, që ka për qëllim shprehjen zyrtare të

kompetencës së provuar të një organizmi të vlerësimit të konformitetit, për të kryer detyrat e

përcaktuara në fushën e vlerësimit të konformitetit.

2. “Organizëm akreditues” është organizmi i ngarkuar me ligj për të kryer akreditimin.

3. “Certifikatë akredit imi” është një dokument ose një tërësi dokumentesh zyrtare, që

deklarojnë akreditimin për një fushë të përcaktuar.

4. “Simbol i akreditimit” është një simbol i miratuar nga organizmi akreditues, i cili përdoret

nga organizmat e vlerësimit të konformitetit të akredituar për të treguar akreditimin e tyre.