ON THE RATIFICATION OF “THE GRANT AGREEMENT BETWEEN THE COUNCIL OF MINISTERS OF THE REPUBLIC OF ALBANIA AND ORET NL FOR THE FINANCING OF THE PROJECT ‘REHABILITATION OF WATER INFRASTRUCTURE IN VLORA’”

Lloji: Ligj

Fletore Zyrtare: nr. 178, datë 2007-12-31

LIGJ

Nr.9841, datë 10.12.2007

PËR RATIFIKIMIN E “MARRËVESHJES SË GRANTIT NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE ORET NL PËR FINANCIMIN E PROJEKTIT “REHABILITIMI I INFRASTRUKTURËS SË UJIT NË VLORË””

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Marrëveshja e grantit ndërmjet Këshillit të Ministrave të Republikës së Shqipërisë dhe ORET NL për financimin e projektit “Rehabilitimi i infrastrukturës së ujit në Vlorë”” në shumën 13 788 476 (trembëdhjetë milionë e shtatëqind e tetëdhjetë e tetë mijë e katërqind e shtatëdhjetë e gjashtë) euro.

Neni 2

Granti i transferohet Ndërmarrjes së Ujësjellës-Kanalizimeve, Vlorë, nëpërmjet marrëveshjes së grantit, që do të lidhet ndërmjet Ministrisë së Financave dhe kësaj ndërmarrjeje.

Neni 3

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.5563, datë 27.12.2007 të Presidentit të Republikës së Shqipërisë, Bamir Topi

MARRËVESHJE GRANTI

AL00012

ME VLERË 1 108 976 EURO

DATË ..... ..... 2007

Të nënshkruarit:

1. Stichting ORET, me zyrë të regjistruar në Hagë, (këtu referuar si ORET.nl); dhe

2. Qeveria e Republikës së Shqipërisë, e përfaqësuar nga Ministria e Financave, (këtu referuar si “Përfituesja e grantit”),

Ndërsa: