ON THE ACCESSION OF THE REPUBLIC OF ALBANIA TO THE CONVENTION “ON INTERNATIONAL EXHIBITIONS”, SIGNED IN PARIS ON 22 NOVEMBER 1928 AND AMENDED BY THE PROTOCOLS OF 10.5.1948, 16.11.1966 AND 30.11.1972, AS WELL AS THE AMENDMENTS OF 24.6.1982 AND 31.5.1988

Lloji: Ligj

Fletore Zyrtare: nr. 62, datë 2008-05-07

LIGJ

Nr.9899, datë 10.4.2008

PËR ADERIMIN E REPUBLIKËS SË SHQIPËRISË NË KONVENTËN “PËR EKSPOZITAT NDËRKOMBËTARE”, NËNSHKRUAR NË PARIS MË 22 NËNTOR 1928 DHE SHTUAR NGA PROTOKOLLET E DATAVE 10.5.1948, 16.11.1966 E 30.11.1972, SI DHE SHTESAT E DATAVE 24.6.1982 E 31.5.1988

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Republika e Shqipërisë aderon në Konventën “Për ekspozitat ndërkombëtare”, nënshkruar në Paris më 22 nëntor 1928 dhe shtuar nga protokollet e datave 10.5.1948, 16.11.1966 e 30.11.1972, si dhe shtesat e datave 24.6.1982 e 31.5.1988.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.5691, datë 29.4.2008 të Presidentit të Republikës së Shqipërisë, Bamir Topi

PROTOKOLL

PËR TË NDRYSHUAR KONVENTËN E NËNSHKRUAR NË PARIS MË 22 NËNTOR 1928, NË LIDHJE ME EKSPOZITAT NDËRKOMBËTARE

Palët pjesëmarrëse në këtë Konventë,

- duke pasur parasysh se rregullat dhe procedurat e përcaktuara nga Konventa në lidhje me ekspozitat ndërkombëtare, nënshkruar në Paris më 22 nëntor 1928, e plotësuar dhe e ndryshuar nga protokollet e 10 majit 1948 dhe të 16 nëntorit 1966, janë provuar si të dobishme e të nevojshme për organizatorët e ekspozitave, si edhe për vendet pjesëmarrëse;