ON CERTAIN ADDITIONS TO LAW NO. 9669, DATED 18.12.2006, “ON MEASURES AGAINST DOMESTIC VIOLENCE”

Lloji: Ligj

Fletore Zyrtare: nr. 76, datë 2008-05-28

LIGJ

Nr.9914, datë 12.5.2008

PËR DISA SHTESA NË LIGJIN NR.9669, DATË 18.12.2006 “PËR MASA NDAJ

DHUNËS NË MARRËDHËNIET FAMILJARE”

Në mbështetje të neneve 78 dhe 83 pika 1 të Kushtetutës, me pro pozimin e një grupi

deputetësh,

KUVENDI

I REPUBLIKËS SË SHQIPËRISË

VENDOSI:

Neni 1

Në nenin 5 pika 2 shtohet shkronja “d” me këtë përmbajtje:

“d) Ministria e Arsimit dhe Shkencës.”.

Neni 2

Në nenin 6 shtohen shkronjat “f” dhe “g” me këtë përmbajtje:

“f) marrjen e masave për edukimin e brezit të ri me mendësitë dhe rregullat e sjelljes së

mirë, si dhe të ndalimit të dhunës në marrëdhëniet familjare;

g) marrjen e masave për krijimin e qendrave të rritjes së fëmij ëve, ndaj të cilëve është

ushtruar dhunë, ose kur prindërit e tyre kryejnë vepra dhune ndaj njëri-tjetrit.” .

Neni 3

Në nenin 7, pas pikës 3 shtohet pika 3/1 me këtë përmbajtje:

“3/1. Ministria e Arsimit dhe Shkencës ka këto detyra:

a) harton programet mësimore për shkollat e mesme dhe të larta për rregullat e sjelljes në

familje;

b) përgatit tekste shkollore dhe materiale të tjera plotësuese për edukimin e nxënësve

dhe/ose studentëve me mendësitë e ndalimit të dhunës në marrëdhëniet familjare.”.

Neni 4

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.5738, datë 26.5.2008 të Presidentit të Republikës së Shqipërisë,

Bamir Topi