ON AN AMENDMENT AND AN ADDITION TO LAW NO. 7928, DATED 27.4.1995 “ON VALUE ADDED TAX”, AS AMENDED

Lloji: Ligj

Fletore Zyrtare: nr. 17, datë 2009-02-27

LIGJ

Nr.10 068, datë 2.2.2009

PËR NJË NDRYSHIM DHE SHTESË NË LIGJIN NR.7928, DATË 27.4.1995 “PËR TATIMIN MBI VLERËN E SHTUAR”, TË NDRYSHUAR

Në mbështetje të neneve 78, 83 pika 1 dhe 155 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Në ligjin nr.7928, datë 27.4.1995 “Për tatimin mbi vlerën e shtuar”, të ndryshuar, bëhen ky ndryshim dhe kjo shtesë:

Neni 1

Në nenin 19 “Furnizimet e përjashtuara”, pika 1 ndryshohet si më poshtë:

“l. Furnizimi është një furnizim i përjashtuar nëse ai përcaktohet në nenet 20 deri në 25 dhe në nenet 25.1, 25.2, 25.3, 25.5, 25.6, 25.7, 25.8 dhe 26.1 të këtij ligji.”.

Neni 2

Pas nenit 25.7 shtohet neni 25.8 me këtë përmbajtje:

“Neni 25.8

Furnizimi i kartave të identitetit është furnizim i përjashtuar.”.

Neni 3

Neni 26/1 ndryshohet si më poshtë:

“Neni 26/1

Është furnizim i përjashtuar nga TVSH-ja:

a) importimi përfundimtar i të gjitha mallrave prej një personi të tatueshëm, kur furnizimi i tyre në të gjitha rrethanat, brenda vendit, është furnizim i përjashtuar nga tatimi mbi vlerën e shtuar. Kjo shkronjë nuk zbatohet për furnizimin në import të shtypshkrimeve dhe librave të çdo lloji;

b) importimi i mallrave të vendosura në regjimin e tranzitit;

c) importimi i mallrave të deklaruara për të qenë nën regjimin e lejimit të përkohshëm dhe atë të përpunimit aktiv;