ON ESTABLISHMENT OF THE EXHIBITION AND TRADE FAIR CENTRE

Lloji: Ligj

Fletore Zyrtare: nr. 86, datë 2009-06-12

LIGJ

Nr.10 134, datë 11.5.2009

PËR KRIJIMIN E QENDRËS SË PANAIREVE DHE TË EKSPOZITAVE TREGTARE

Në mbështetje të neneve 78 e 83 pika 1 të Kushtetutës, me propo zimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Objekti

Ky ligj synon ngritjen e Qendrës së Panaireve dhe të Ekspozitav e Tregtare, si dhe

përcakton rregullat e funksionimit e të veprimtarisë së kësaj qendre.

Neni 2

Qëllimi

Qëllimi i këtij ligji është të nxisë zhvillimin e panaireve dhe të ekspozitave tregtare, për të

rritur investimet dhe shkëmbimin tregtar, si dhe për të përhapur njohuri për risitë teknologjike e

shkencore të sektorëve të ndryshëm prodhues dhe të shërbimit në nivel kombëtar, rajonal e

ndërkombëtar.

Neni 3

Përkufizime

Në këtë ligj termat e mëposhtëm kanë këto kuptime:

1. “Qendra e Panaireve dhe e Ek spozitave Tregtare” (QPET) është një person juridik,

shoqëri tregtare, e krijuar me pjesëmarrjen e shtetit dhe të Dhomës së Tregtisë dhe Industrisë,

Tiranë, e ngritur në përputhje me dispozitat e këtij ligji.

2. “Dhoma” është Dhoma e Tregtisë dhe Industrisë, Tiranë, e ngr itur në përputhje me

ligjin nr.9640, datë 9.11.2006 “Për dhomat e tregtisë dhe industrisë”, të ndryshuar.

3. “Panair i përgjithshëm” është veprimtaria promovuese, e hapur për publikun, ku