ON FINANCING FROM THE STATE BUDGET OF RELIGIOUS COMMUNITIES THAT HAVE SIGNED AGREEMENTS WITH THE COUNCIL OF MINISTERS

Lloji: Ligj

Fletore Zyrtare: nr. 87, datë 2009-06-12

LIGJ

Nr.10 140, datë 15.5.2009

PËR FINANCIMIN NGA BUXHETI I SHTETIT TË BASHKËSIVE FETARE, QË KANË NËNSHKRUAR MARRËVESHJE ME KËSHILLIN E MINISTRAVE

Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

1. Shteti mbështet financiarisht bashkësitë fetare, Komunitetin Mysliman të Shqipërisë, Kishën Ortodokse Autoqefale të Shqipërisë, Kishën Katolike në Shqipëri dhe Kryegjyshatën Botërore Bektashiane, të cilat kanë nënshkruar marrëveshje me Këshillin e Ministrave.

2. Me “bashkësi fetare”, sipas këtij ligji, kuptohen vetëm ato bashkësi që kanë lidhur marrëveshje me Këshillin e Ministrave.

Neni 2

1. Shteti mund të financojë pjesërisht bashkësitë fetare për ndërtimin, mirëmbajtjen e objekteve të kultit, si edhe në ringritjen e restaurimin e qendrave të pelegrinazhit e të infrastrukturës së tyre ndihmëse, për objektet që lidhen me turizmin fetar, sipas projekteve, që paraqiten nga bashkësitë fetare te Komiteti Shtetëror për Kultet dhe miratohen nga ministri përgjegjës për kultet.

2. Përcaktimi i masës së financimit bëhet me vendim të Këshillit të Ministrave.

Neni 3

Shteti financon bashkësitë fetare deri në gjysmën e pagës minimale buxhetore, për punonjës të personelit të administratës, sipas listëpagesave të paraqitura në institutin përkatës të sigurimeve shoqërore.

Neni 4