ON THE RATIFICATION OF THE “FOUNDING AGREEMENT OF THE ISLAMIC CORPORATION FOR THE INSURANCE OF INVESTMENTS AND EXPORT CREDITS”

Lloji: Ligj

Fletore Zyrtare: nr. 145, datë 2009-10-20

LIGJ

Nr.10 150, datë 28.9.2009

PËR RATIFIKIMIN E “MARRËVESHJES SË THEMELIMIT TË KORPORATËS ISLAMIKE PËR SIGURIMIN E INVESTIMEVE DHE TË KREDIVE TË EKSPORTIT”

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Ratifikohet “Marrëveshja e themelimit të Korporatës Islamike për Sigurimin e Investimeve dhe të Kredive të Eksportit”, sipas tekstit që i bashkëlidhet këtij ligji.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.6285, datë 7.10.2009 të Presidentit të Republikës së Shqipërisë, Bamir Topi

NENET E MARRËVESHJES

KORPORATA ISLAMIKE PËR SIGURIMIN E INVESTIMEVE DHE KREDIVE TË EKSPORTIT

(Anëtar i Grupit të Bankës Islamike për Zhvillim)

Shaban 1412/ Shkurt 1992G

NENET E MARRËVESHJES SË

KORPORATËS ISLAMIKE PËR SIGURIMIN

E INVESTIMEVE DHE KREDISË SË EKSPORTIT

Shtetet Palë në këtë Marrëveshje dhe Banka Islamike për Zhvillim,

duke pasur parasysh një nga objektivat e Organizatës së Konferencës Islamike, siç shprehet në Kartën e Organizatës, është zhvillimi dhe mbështetja e bashkëpunimit ndërmjet vendeve anëtare në fushat ekonomike dhe sociale;

me dëshirën për të forcuar marrëdhëniet ekonomike ndërmjet vendeve të Organizatës së Konferencës Islamike mbi bazën e parimeve dhe ideve islamike;