ON APPROVING THE “MINING EXPLOITATION AGREEMENT BETWEEN THE MINISTRY OF ECONOMY, TRADE AND ENERGY AND ‘OTTO-AL, SHPK’”

Lloji: Ligj

Fletore Zyrtare: nr. 150, datë 2009-11-05

LIGJ

Nr.10 156, datë 15.10.2009

PËR MIRATIMIN E “MARRËVESHJES MINERARE TË SHFRYTËZIMIT NDËRMJET MINISTRISË SË EKONOMISË, TREGTISË DHE ENERGJETIKËS DHE “OTTO-AL, SHPK-SË””

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Miratohet “Marrëveshja minerare e shfrytëzimit ndërmjet Ministrisë së Ekonomisë, Tregtisë dhe Energjetikës dhe “OTTO-AL, shpk-së””, sipas tekstit, që i bashkëlidhet këtij ligji.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.6304, datë 28.10.2009 të Presidentit të Republikës së Shqipërisë, Bamir Topi

MARRËVESHJE MINERARE E SHFRYTËZIMIT

E lidhur ndërmjet Ministrisë së Ekonomisë, Tregtisë dhe Energjetikës, e përfaqësuar nga Ministri z.Genc Ruli dhe OTTO-Al sh.p.k., shoqëri e themeluar në bazë të legjislacionit shqiptar, me vendimin nr.21020, datë 13.3.1999, me seli në Rrugën e Elbasanit, pallati poshtë Fakultetit të Gjeologjisë, Tiranë, e përfaqësuar ligjërisht për negocimin dhe nënshkrimin e kësaj Marrëveshjeje nga z.Isuf Berberi, administrator.

Duke pasur parasysh që:

- Në kuadrin e zhvillimit ekonomik të vendit, qeveria shqiptare i ka dhënë prioritet zhvillimit të zonave industriale lidhur me aktivitetin minerar;