On the Use and Exploitation of Uncultivated Agricultural Land

Lloji: Ligj

Fletore Zyrtare: nr. 51, datë 2010-05-03

LIGJ

Nr.10 263, datë 8.4.2010

PËR PËRDORIMIN DHE SHFRYTËZIMIN E TOKAVE BUJQËSORE TË

PAKULTIVUARA

Në mbështetje të neneve 78 dhe 83 pika 1 të Kushtetutës, me propozimin e Këshillit të

Ministrave,

KUVENDI

I REPUBLIKËS SË SHQIPËRISË

VENDOSI:

KREU I

DISPOZITA TË PËRGJITHSHME

Neni 1

Qëllimi

Ky ligj ka për qëllim të përcaktojë rregullat dhe procedurat për përdorimin dhe

shfrytëzimin e tokave bujqësore të pakultivuara, për të garantuar funksionin ekonomik të pronës,

pa cenuar të drejtën e pronësisë, të përf tuar sipas ligjit, në kuadrin e zhvillimit të qëndrueshëm

bujqësor dhe rural.

Neni 2

Objekti

Objekt i këtij ligji janë:

a) tokat bujqësore, në pronësi private, të zërit kadastral “arë”, që figurojnë si të tilla në

regjistrat kadastralë shtetërorë, në sek sionin e administrimit dhe mbrojtjes së tokës (më poshtë

SAMT) në qark;

b) tokat bujqësore, në pronësi private, të zërit kadastral “vreshta”, “pemëtore” dhe

“ullishte”, që figurojnë si të tilla në regjistrat kadastralë shtetërorë, në SAMT, në qark, por që,

nga verifikimet e kryera, sipas dispozitave vijuese të këtij ligji, nuk rezultojnë të kenë bimë

hardhie, drurë frutorë dhe ullinj;

c) tokat në përdorim, sipas përcaktimit të nenit 15 të ligjit nr. 7501, datë 19.7.1991

“Për tokën”, të ndryshuar.

Neni 3

Përkufizime

Në këtë ligj termat e mëposhtëm kanë këto kuptime: