On the Accession of the Republic of Albania to the “Agreement on the Mutual Protection of Classified Technologies in the Field of Defence and for Which Patent Applications Have Been Filed”

Lloji: Ligj

Fletore Zyrtare: nr. 79, datë 2010-07-02

LIGJ

Nr.10 284, datë 3.6.2010

PËR ADERIMIN E REPUBLIKËS SË SHQIPËRISË NË “MARRËVESHJEN PËR MBROJTJEN E NDËRSJELLË TË TEKNOLOGJIVE SEKRETE NË FUSHËN E MBROJTJES DHE PËR TË CILAT ËSHTË BËRË APLIKIMI I PATENTËS”

Në mbështetje të neneve 78, 83 pika 1 dhe 121 të Kushtetutës, me propozimin e Këshillit të Ministrave,

KUVENDI

I REPUBLIKËS SË SHQIPËRISË

VENDOSI:

Neni 1

Republika e Shqipërisë aderon në “Marrëveshjen për mbrojtjen e ndërsjellë të teknologjive sekrete në fushën e mbrojtjes dhe për të cilat është bërë aplikimi i patentës”, bërë në Paris më 21 shtator 1960.

Neni 2

Ky ligj hyn në fuqi 15 ditë pas botimit në Fletoren Zyrtare.

Shpallur me dekretin nr.6601, datë 17.6.2010 të Presidentit të Republikës së Shqipërisë, Bamir Topi

MARRËVESHJE

PËR RUAJTJEN E NDËRSJELLË TË SEKRETIT TË SHPIKJEVE NË LIDHJE ME MBROJTJEN E PËR TË CILAT JANË BËRË APLIKIME PËR PATENTA

Qeveritë e Belgjikës, Kanadasë, Danimarkës, Francës, Republikës Federale Gjermane, Greqisë, Italisë, Luksemburgut, Holandës, Norvegjisë, Portugalisë, Turqisë, Mbretërisë së Bashkuar dhe Shteteve të Bashkuara të Amerikës,

palë në Traktatin e Atlantikut të Veriut të nënshkruar në Uashington, më 4 prill 1949;

me dëshirën për të nxitur bashkëpunimin ekonomik ndërmjet cilësdo apo të gjitha qeverive të tyre, siç është rënë dakord në nenin 2 të Traktatit;